Күпме таулар, сулар күреп, 

Илләр гизсәм дә, 

Табалмадым кадерле җир

Туган җирдән дә.


Читтә яшәргә урын да, 

Дуслар да таптым. 

Шулай да яз җитү белән 

Әйләнеп кайттым.


Туган илдә сайрар өчен 

Җырның матурын, 

Шат гөрләвекләр чыгарган 

Гүзәл яз җырын.

Нәүрүз килде, тиз килде,

Нәүрүз килде яз килде,

Яз белән муллык килде,

Яз белән көрлек килде.

Хатын-кыз көне бүген,

Әнием бәйрәме!

Беләм мин: ярата ул

Чәчәкләр бәйләмен.

Беләм мин, беләм мин,

Чәчәкләр бәйләмен.

23 февраль — Ватанны саклаучылар коне – батырлык, намус hәм кыюлык көне белән ихластан котлыйбыз сезне.
Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана. Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде.

Ява карлар, яңа карлар –Кышның ак гөлләре.Якты булсын, ап-ак булсынИлемнең көннәре.Ишетелеп торсын җирдәБалалар көлгәне.Ява карлар, яңа карлар,Ак – гомер юллары,Дәвам итсен гомер буеТынычлык еллары.Яңгырасын җир өстендәТынычлык җырлары.

Киң болыннарда,

Урман-кырларда,

Агачлар, гөлләр

Кибеп сулдылар.

Уйсу җирләрдә,

Елга, күлләрдә,

Көзге салкыннан

Сулар туңдылар.

Көннәр суынды,

Чишмәләр тынды,

Безне калдырып

Кошлар да китте.