Бөек мәгърифәтче – Шиһабетдин Мәрҗәнигә багышланган педагогик укулар үткәрү бакчабызда традициягә әйләнеп бара. Узган 2017 нче елны укулар муниципаль дәрәҗәдә булса, быел аның регионара төс алуы безне бик куандырды.

12нче декабрь иртәсендә килгән кунакларны матур милли киемнәр кигән, чәчләренә бизәкле калфаклар утырткан хезмәткәрләр каршы алды. Килгән кунаклар исә, башлап татар халкының көнкүреше музеена сәяхәт ясадылар. Сәяхәт «Шиһабетдин Мәрҗәни – бөек мәгърифәтче» дип исемләнгән күргәзмә белән дәвам итте. Музыка уен коралларыннан агылган моң бу атмосфераны тагын да тулыландырды һәм җанландырды.

Укуларда катнашучылар өч лабораториягә бүленделәр. Беренче лаборатория «Нәсел шәҗәрәңне өйрәнү» темасы астында эшләде. Икенче лабораториядә исә педагогик мирас һәм һөнәри осталык турында фикер алыштылар. Өченче лаборатория чыгышлары Идел буеның күренекле милли мәгърифәтчеләре һәм аларның хезмәтләрен яктыртты.

Өч лаборатория дә бик уңышлы эшләп чыкты.

Алга таба да зур уңышлар, сезгә, педагоглар! Киләсе укуларда исән – имин очрашырга язсын!

Педагогические чтения, посвященные великому просветителю Шигабутдину Марджани, становятся традицией в нашем детском саду. Если в 2017 году чтения были на муниципальном уровне, то уже в этом году они стали межрегиональными.

12 декабря гостей встретили девушки в национальных костюмах и проводили их в музей быта татарского народа. Все это сопровождалось живой музыкой, что придало определенный шарм мероприятию.

Чтецы поделились на три лаборатории. Тема первой лаборатории – «Изучение своей родословной», вторая звучала как «Педагогическое наследие и педмастерство». Третья лаборатория осветила тему «Видные национальные просветители среднего Поволжья». Все три лаборатории провели очень продуктивную работу.

Желаем успехов вам, педагоги! До скорых встреч!