Бу сүзнең мәгънәсе фарсыча “яңа көн” (нәү – яңа, рүз – көн) дигәнне аңлата. Урта Азиядә, Иранда, Әфганстанда һәм кайбер башка илләрдә бик борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга – 21–22 мартка туры килә. Көнчыгыш календаре буенча әлеге төбәкләрдә язны каршылау язгы чәчү эшләре алдыннан үткәрелә торган халык бәйрәменнән гыйбарәт. Идел буе татарлары Нәүрүзне чәчүгә чыгар алдынна бәйрәм иткәннәр. 

Безнең балалар бакчасында да халык традицияләрен дәвам итеп Нәүрүз бәйрәме узды. Балалар төркемнән төркемгә йөреп бер-берсен бәйрәм белән котладылар, залга җыелып төрле уеннар уйнадылар, җырладылар, биеделәр, ә соңыннан барысы да бергәләп, тәмле күчтәнәчләр белән чәй эчтеләр.