Мәктәпкә әзерлек төркеендә балаларны грамоталык нигезләрен үзләштерү эшенә актив әзерләү алып барыла. Максатчан рәвештә балаларга тәкъдим ителгән һәр сүзгә аваз анализы ясарга: сузык авазларны, калын һәм нечкә әйтелешле тартык авазларны аера белергә, авазлар рәтендә ориентлашырга, бирелгән модельга туры китереп сүзләр сайларга өйрәтү  күздә тотыла.

Балаларга авазларны дөрес әйтү күнекмәсе уңышлы формалашсын өчен, сөйләмдә авазларны һәм аваз кушылмаларын ачык, аңлаешлы итеп әйтү зарурлыгына төшендерәбез.

Сөйләмнең синтаксис ягын камилләштерү өчен, балага үз фикерен дәлилле аңлата белергә өйрәтәбез. Моның өчен әзерлек барышында  махсус рәвештә дәлилле фикер, инандыру, таләп ителгән ситуаөияләр тудырабыз.

Программа таләп иткән бурычларның күбесе-шөгыльләрдә, ә беразы-шөгыльләрдән тыш мөстәкыйль эшчәнлектә хәл итәбез.