8 март-халыкара хатын-кызлар көне уңаеннан  физкультура укытучысы Халиуллина Г.М. “Ягез әле, кызлар!” конкурсы оештырды.  Бу бәйгедә  4  сыйныф кызлары ике командага бүленеп көч сынашты.  

  7 мартта Осиновода  спорт  фестивале оештырылды. Бистәбез халкы бу бәйрәмгә җыелышып килде. Ярышларда егетләребез катнашты:  3б сыйныфыннан Гимаев А., Садыков Д. көрәш буенча үзләрен күрсәттеләр. 

  3 б сыйныфы  җитәкчесе Ахунова Ф.Ф. сыйныф сәгатьләрен кызыклы итеп оештырырга тырыша. Сыйныф җитәкчесе ветеран укытучы, Бөек Ватан сугышы чоры баласы А.Д.Архипованы үзләренең сыйныф сәгатьләренә еш чакыра.

10.03.2015 мәктәбебезнең башлангыч сыйныф җитәкчесе Гарипова Гөлсинә Гаптрафик кызы олуг юбилеен билгеләп үтте.

Хөрмәтле Гөлсинә Гаптрафиковна!

Сезне зур бәйрәмегез белән тәбриклибез!

         Март ул ак билгесезлекнең соңгы ае, ә язның башы гына. Табигатьнең шундый мизгелендә туган көнегез белән котлыйбыз! Яз сулышы гаиләгезгә муллык алып килсен, күңелләрегезгә сабырлык, саулык китерсен.

      Гимназия коллективы

7.03.2015. бистәбездә Язны каршылау бәйрәме уздырылды.

     3б сыйныфы укучылары арасында чаңгы ярышы уздырылды. Ярыш барышында малайлар үзләренең чаңгыда бик үк әйбәт йөрмәгәнлекләрен аңладылар. Чөнки аларны кызлар узып китте. Менә алар җиңүчеләр:  Фәхретдинова А., Шәйхетдинова З., Айзатуллова Э., Маматалиева Д.. 

     Осиново авыл китапханәсендә уздырылган шигырь укучылар бәйгесендә җиңеп, Зеленодол шәһәрендә “Җирдә тынычлык өчен”  республика конкурсының муниципаль этапында катнаштык. 3 б сыйныфы укучысы Ахунова Гүзәл  К. Симоновның  “Көт мине “ шигырен сәнгатьле укыды. 

   8 Март бәйрәмен без көтеп алабыз .Чөнки ул – безнең әниләребезнең бәйрәме .

Уңнан булсын эшләребез,

Хыял булсын бербөтен.

Килер еллар акласыннар

Һәрберебезнең өметен!

20 нче февраль көнне дүртенче сыйныф малайлары арасында "Иң шәп малайлар!" ярышы булып узды. Укучылар үзләренең көчләрен, җитезлекләрен, белемнәрен сынадылар.Барлык малайлар да бүләксез китмәде.