Көз – ул муллык чоры. Язын чәчкән орлыклардан көзен уңыш җыеп алалар. Җөмһүриятебездә быел да иген күкрәп уңды. Бәрәңге һәм тамыразыкларның да чыгышы куанырлык...

Көзге муллык чорында халкыбыз Сөмбелә бәйрәмен билгеләп үткән. Район мәктәпләре катнашында, 2011 нче елның 28 нче октябрендә Васильево бистәсенең 3нче номерлы мәктәбендә муниципаль “Сөмбелә” уңыш бәйрәме–фестивале булып үтте. Анда “Көзнең тылсымлы бүләкләре” (җимеш, яфрак һ.б. дан ясалган рәсемнәр), “Һөнәрленең кулы алтын” (табигый материаллардан экспонатлар), “Туган ягым – бишегем” (инша, реферат, презентация һ.б. иҗат эшләре), “Сөмбелә” (әдәби-музыкаль, фольклор, шигырь, җыр, аулак өй һ.б.) бәйгеләре оештырылган иде. Җиңүчеләрне Мактау грамоталары белән бүләкләделәр. Алар арасында мәктәбебезнең 10 сыйныф укучысы Галиуллин Эмиль (укытучысы Н.Р.Мингалиев) дә бар. Ул “Туган ягым – яшел бишек” исемле иншасы белән районда II урынны алды һәм Грамота белән бүләкләнде. Афәрин, Эмиль!