2013 елның 21 февралендә мәктәбебездә Халыкара туган телләр көненә багышланган әдәби-музыкаль кичә булып үтте. Аны татар теле һәм әдәбияты методик берләшмәсе укытучылары Н.Р.Мингалиев, Л.Р.Гаптрахманова, Р.И.Амурова һәм Г.Ф.Исмәгыйлева әзерләгән иде. Укучылар татар теленә кагылышлы тирән мәгънәле шигырьләрне сәнгатьле итеп сөйләделәр, халкыбызның моңлы җырларын тыңлаучыларга җиткерделәр, төрле музыка коралларында уйнап күрсәттеләр. 6сыйныф укучылары Гадилә Рафыйкованың скрипкада, Альберт Фатыйхов һәм Минтимер Нәҗиповның балалайкада уйнаулары, 4сыйныф укучысы Илдус Хәсәновның милли киемнәрдән чыгып “Кәләпүшем”не җырлавы аеруча мактауга лаек. Аларның оста башкаруларын күреп шаккатарсың! Шундый матур кичә оештырулары өчен укытучыларга да, укучыларга да зур рәхмәт. Андый чаралар балалар күңелендә мәңге сакланыр, алар туган телләрен хөрмәт итәрләр, беркайчан да онытмаслар!