21 нче апрель көнне Кәрәкәшле төп гомуми белем бирү мәктәбендә күренекле якташыбыз филология фәннәре докторы, профессор, язучы Шәрипов Әнвәр Мәгъдәнур улы белән истәлекле очрашуда булдык. Ютазы районы татар теле һәм әдәбияты укытучылары  катнашында үткәрелгән конференциядә Әлмәт, Бөгелмә шәһәрләреннән дә укытучылар бар иде. Бөтендөнья татар конгрессы башкарма комитетының Ютазы бүлеге җитәкчесе Наилә Хөснетдинова, район  ветеран укытучылары да кунак  булып килделәр. Әнвәр Шәрипов шигырьләренә көй язган Кәрәкәшле авылында туып – үскән якташыбыз Нигъмәтуллин Шамил абый үзенең иҗат җимеше белән сөендерде.”Безнең күңел мәңге калган туган авылда” исеме астында үткән әлеге чарага зур әзерлек эше алып барылган. “Чал тарихлы авылым” дигән туган якны өйрәнү музеенда булу да әлеге чарага тирән мәгънә өстәде. Әнвәр абый әйткән: “Безнең Ютазы районы җирлегендә якташлар оешмасы булдырып, каләм тибрәтүчеләрне туплаган оешма булдырылса иде,-“ дигән теләген, чыннан да, тормышка ашырылса, әйбәт булыр иде дигән теләктә, күренекле якташларыбыз белән аралашу җепләре дәвамлы булсын дигән уйлар белән таралыштык.