“Игътибар, балалар!” айлыгы кысаларында 4 сыныфта ( сыйныф җитәкчесе Шакирова Ф.С) юлда йөрү кагыйдәләре буенча сыйныф сәгате узды. Чара презентация карау белән башланды. Укучылар өйрәнелгән кагыйдәләрне искә төшерделәр, үз белемнәрен тагын да үстерделәр. Бигрәк тә укучыларга сыйныф сәгатенең практик өлеше ошады. Урамдагы мәктәп һәм балалар бакчасы янына куелган юл билгеләре турында бер-берләренә аңлату эшләре алып бардылар. Билге куелган урында юлны  аркылы чыккан вакытта, үтеп барган машинаның юл йөрү кагыйдәсен бозганын үз күзләре белән күрү балалар өчен шок булды. Алар, өйгә кайткач, бу турыда әти-әниләренә әйтәчәкләре, һәм һәрвакытта да юл йөрү кагыйдәләрен үтәргә кирәклеге турында искә төшерәчәкләре турында әйттеләр. Бу чара укучылар өчен бик тә файдалы  булды.