«Сихри каләм» берләшмәсе тәрбияләнүчеләре авыл китапханәсендә

                                         кунакта

Элек-электән үк кешеләр, хәтта кәгазь булмаган чорларда ук, үз белгәннәрен бер-берсенә төрлечә язып калдырганнар. Моның дәлиле булып бүгенге көндә табылып торучы таш кыялардагы, тузлардагы, папируслардагы ядкәрләр тора. Акрынлап кәгазь ясый башлыйлар. Язу кәгазьгә күчә. Берникадәр вакыттан соң китаплар да күренә башлый. Кешелек алга таба үсеш алу белән китапханәләр төзелә. Китап язучы кешене “язучы” дип йөртү гадәткә керә. Бүгенге көнгә кадәр дөньяда  бихисап китап басылып чыккан инде. Алар безгә төрле өлкәләргә кагылышлы кызыклы һәм файдалы мәгълүматлар җиткерә. Ә китаплар, билгеле инде, китапханәләрдә саклана.

Дөньяви серләр саклана торган Бәйрәкә авылында урнашкан шундый биналарның берсендә 23 гыйнвар көнне “Сихри каләм” берләшмәсе тәрбияләнүчеләре дә булып кайтты. Җәмгыятьтә техник үзгәрешләр барган дәвердә укучыларда китапларга карата кызыксыну уяту, аларның сөйләм телен телен үстерү, төрле темаларга карата бүгенге көндә дөнья күргән китап фонды белән таныштыру әлеге экскурсиянең максат һәм бурычлары булып тора иде. Ул “Түгәрәк өстәл” итеп уздырылды.

Китаплар иленә  сәяхәт иткәндә, китапханәче Нәсимә Лотфуллина яңа басмалар белән таныштырып кына калмыйча, бик кызык һәм мавыктыргыч итеп һәрберсенең эчтәлеген дә кыскача бәян итте. Китап хәленә килгәнче, әсәрләрнең нинди юллар узуы хакындагы сөйләшү укучыларда аеруча зур кызыксыну уятты. Берләшмә тәрбияләнүчеләре “түгәрәк өстәл”дә шулай ук үзләре иҗат иткән шигырьләрне сөйләде, бер-берсенә киңәшләр бирде. Очрашу бик җанлы һәм кызыклы узды.

Бәйрәкә авылы китапханәсе мөдире Нәсимә Лотфуллинага чиксез рәхмәтебезне җиткерәбез!

Садрутдинова Г.А. остэмэ бирем биру педагогы.