Татар көйләре бигрәк тә моңлы булып тоела. Башка телләргә тәрҗемә ителми торган моң сүзе татар халкының күңелен сыйфатлый. Татар шигърияте һәм җыр иҗаты белән бер рәттән татар мәдәниятендә традицион һөнәрләр дә зур урын алып тора, алар татар халкының рухи дөньясын чагылдыралар. Мәсәлән, татар халкының ювелир сәнгате бөтен дөньяга билгеле. Шулай итеп, татар сәнгате безнең – татарларның - борынгы буыннарыбызның яшәү рәвешен, мәдәниятен чагылдыра. Без, егерме беренче гасыр кешеләре, үз халкыбызның, үз туган ягыбызның гореф-гадәтләрен ихтирам итеп яшәргә тиешбез. Һәм бу сыйфатларны мәктәп бусагасыннан ук тәрбияләргә тырышкан татар теле укытучыларыбыз бүген дә класстан тыш чаралар үткәрде. Бу чарада барлык укучылар да катнашты: үз туган телләренә карата кызыксыну уянды һәм алдагы чараларда катнашуга тагын бер этәргеч булды.