“Кешедә бар нәрсә дә гүзәл булырга тиеш: йөзе дә, киеме дә, уйлары һәм күңеле дә,”- дип яза Антон Павлович Чехов. Кемгәдер дөрес бәя бирү өчен, аның белән аралашу гына җитми, минемчә. Ә эш-гамәлләрен күзәтү, хезмәт нәтиҗәләрен өйрәнү кирәктер. Чөнки зәвык белән киенеп, матур сөйләшеп йөргән кеше үзе өчен генә яшәргә мөмкин. Юкка гына татар халкы “агач -яфрагы, кеше хезмәте белән матур”, димәгән.Хезмәт тәрбиясе кече яшьтән үк башланса. дөньяда бәлки эшсезлек,әшәкелек тә аз булыр иде.