Бүген гимназиябезнең барлык укучыларын Г.Тукай исемендәге татар дәүләт филармониясендә үзенең чыгышы белән Россиянең атказанган артисты Татарстан Республикасының Дәүләт фольклор музыка ансамбленең җитәкчесе Айдар Файзрахманов таң калдырды. Барыбызга да якын татар халык җырлары, матур биюләр, дәртле музыка кораллары... Болар барысы да "Дастан" дип аталган концерт программасына керде. Ул гына да түгел, Айдар абый гимназиябезнең иң нәни укучыларын сәхнәгә чакырып, аларга да бер мизгелгә чын артист булырга тәгъдим итте: һәрберсенә музыка коралларын тапшырып музыкаль номер оештырды.