"Яңарыш" мега-проекты кысаларында татар теле һәм әдәбияты укытучылары методик берләшмәсе җитәкчелеге Һади Такташның туган авылы Сыркыдыда булып кайтты. Мордва республикасы Торбеево районында урнашкан әлеге авылда бөек шагыйрьнең музей-йорты булдырылган. Йорт нигезе башка урында булса да, Һади Такташның музей-йорты төп урамның башлангыч өлешендә урнаштырылган, чөнки авылга килеп керүгә үк бөек  татар шагыйренең һәйкәленә һәм музеена тап буласың. Музей җитәкчесе Равилә Алимовна, зур теләк белдереп, Һади Такташ тормышы һәм иҗаты турында сөйләде, экспонатлар белән таныштырды.

         Сыркыды олы юлдан 500 метр читтәрәк, «Т» хәрефе формасында урнашкан. Анын уң очы «Яңа авыл», сул очы «матау» һәм төп өлеше «урыс» очы дип атала. Авыл шул өч урамнан тора. Урамнар бик киң, йортлар иркен урнашкан. Элек бу бик зур авыл булган, дип сөйләде Равилә Алимовна. Сугышка кадәрге чорларда 700дән артык йорт булып , зур мәйданны биләгән. Бүгенге көндә Сыркыды авылында йөзгә якын хуҗалык исәпләнә.

         Һади Таташ туып үскән авылда булып, ул йөргән урамнардан узу, шагыйрь яратып сөйләгән табигать кочагында булу  күңелдә зур горурлык хисләре уятты.