8 июльдә, тарихи Биләр җирлегендә, Сәләт форумы ачылды. Ачылу тантанасында милләтебезнең күренекле шәхесләре, татар яшьләрен берләштерүгә, милләтебезне, телебезне үстерүгә үзләренең көчләрен кызганмаучы милләтпәрвәрләр катнашты. Татар яшьләрен үзенә туплаган Сәләт аланы шау-гөр килеп торды: әйе, татар халкы исән, татар яши әле болай булса! Методик берләшмә җитәкчеләре М.Н.Вәлиева, Г.В.Нурмиевалар алып килгән Идел буе һәм Вахитов районнары командасы да форум кысаларында уздырылган төрле чараларда катнашты. Безнең гимназия укучылары Галиев Сөләйман, Нурмиева Энҗе, Шәйхетдинова Диана, Мөбәрәкшина Зилә дә анда катнашу бәхетенә иреште. Ел буе төрле чараларда актив катнашкан, тырышып укыган әлеге балаларга Сәләтнең алыштыргысыз җитәкчесе Җәүдәт Сөләйманов, яратып, "акыллы башлар" дип дәште. Шулай шул, затлы кешеләр янәшәсендә һәрвакыт акыллылар була!