Татар әдәбиятына, мәдәниятенә кызыксыну уяту, әдәби иҗатка сәләтле булган яшьләрне ачыклау, үстерү максатыннан, Мәгариф һәм фән министрлыгы "Илһам" Бөтенроссия яшь язучылар бәйгесе уздыра. Бәйгегә Татарстаннан һәм Россия төбәкләреннән 622 эш кабул ителгән. Беренче тур таләпләре буенча, экспертлар төркеме барлык әсәрләр арасыннан 163 иң яхшы шигъри әсәрне, 117 иң яхшы проза әсәрен, 17 драма әсәрен сайлап алган. Нигезләмә буенча, 2 нче тур 18-23 мартта Республика районнарында зоналарга бүлеп уздырыла. II турда жюри әсәрләрнең авторлары белән таныша, чыгышларын тыңлый. Гимназиябезнең 9 нчы сыйныф укучысы Нурмиева Энҗе берьюлы ике номинациядә: "Яшь шагыйрь" һәм"Яшь прозаик"  номинацияләрендә чыгыш ясаячак (укытучысы Г.В.Нурмиева). Энҗене II турга чыгуы белән кайнар котлыйбыз, алга табада иҗади уңышлар телибез!