Әлеге девиз астында 5а сыйныфында изгелек кылуга, шәфкатьлелеккә багышланган сыйныф сәгате үткәрелде. Бишенчеләр, сыйныф җитәкчеләре Гөлгенә Вазыховна белән бергәләп, изгелек турындагы мәңгелек темага фикер алыштылар. Укучыларга "Яктылык нуры" дип аталган китапчыклар тапшырылды. Әлеге китапчык балалар күңеленә бик хуш килде: игътибар белән һәр битен карап чыктылар, үзләренең хис-тойгылары белән уртаклаштылар. Берсен-берсе бүлә-бүлә нинди яхшылыклар эшләүләре турында сөйләделәр, тормыштан мисаллар китерделәр. 90 нчы гимназия укучыларының яман чир белән авыручы сыйныфташларына ничек итеп ярдәм итүләренә соклануларын белдерделәр. Яшәешебездә очраган шәфкатьсезлек күренешләренә үзләренең борчылуларын җиткерделәр. Безнең укучыларыбыз үзләре игелекле, яхшы күңелле чын Кешеләр булып үсәрләр дип ышанып калабыз.