Бүген гимназиядә башлангыч сыйныфлар өчен ата-аналар җыелышы узды. Көн тәртибендә 2013-2014нче уку елына йомгаклау ясалды, директор Хөснетдинова Л.Г. гимназия эшчәнлегенең нәтиҗәсе, укучылар һәм педагогларның ирешкән уңышлары белән таныштырды, гимназия белән элемтәдә эшләүче оешмалар турында мәгълүмат бирде. Укыту эшләре буенча директор урынбасары Юсупова З.Р. сүзне дәвам итеп, башлангыч сыйныфлары эшенә нәтиҗә ясады, башлангыч сыйныф укучылары һәм педагоглары ирешкән казанышларын билгеләп узды. Көн тәртибенең өченче сорау буенча гимназиянең психологы Хафизова С.Ф. "Башлангыч сыйныфы укучыларының уку елына җайлашу вакытының төп проблемалары" темасына чыгыш ясады, ата-аналарга мөһим киңәшләр бирде һәм үзенең эш графигы белән таныштырды. Дүртенче сорау гимназиядә 2014-2015нче уку елында эшлиячәк түгәрәкләр белән танышуга багышланды, Хөснетдинова Л.Г. сүзне түгәрәк җитәкчеләренә бирде.