Бүген 8а һәм 8б сыйныфы укучылары Казан Дәүләт Мәдәният һәм Сәнгать Университетында кунакта булдылар.

     Әлеге уку йорты бик күп чыгарылыш сыйныф укучыларын кызыксындыра,         чөнки биредә 9 төрле факультет эшләп килә. Укучыларыбыз театр факультеты белән якыннан таныштылар. Аларны факультетның деканы – ТР танылган мәдәният хезмәткәре, доцент Садриева Фирдания Исмәгыйль кызы шәхсән үзе кабул итте. Фирдания Исмәгыйлевна кыскача югары уку йортында эшләп килүче факультетлар белән таныштырды, аннан укучылар хореография дәресен карадылар.

     Университет белән танышу актлар залында дәвам итте. Татарстанның Г.Тукай исемендәге Дәүләт бүләге лауреаты, Татарстанның халык артисты, Россиянең атказанган артисты Гәрәева Наилә Хәким кызы җитәкләгән  501нче татар төркеменең диплом эше – Илгиз Зәйниев пьесасы буенча әзерләнгән “Бәби” спектакле тәкъдим ителде. Без, тамашачылар, бик бирелеп спектакль карадык, аннан алган тәэсирләребез белән өйләргә таралыштык.