Бүген гимназиябездә "Мин татарча сөйләшәм" акциясе кысаларында шагыйрә Йолдыз Шәрәпова белән очрашу булып узды. Балалар күптән инде Йолдыз апаларының шигырьләре белән "Колаклы коймаклар" китабыннан, "Сабантуй" гәҗитенең битләреннән таныш, ә бүген инде 2 а сыйныфы укучылары бик матур итеп шагыйрәнең шигырьләрен үзләре укып күрсәтергә булдылар. Йолдыз апа да җавап итеп балаларга үзенең шаян шигырьләрен укыды, иҗаты турында сөйләде һәм "Каен алмасы", "Ялкау тел", "Колакчык кигән кояш" дигән китапларын бүләк итте. Иҗади элештән соң укучылар шагыйрәгә күп кенә сораулар бирделәр, татар теле, яз турында әңгәмә кырдылар. Бу җылы очрашу укучыларның күңелендә озак сакланыр әле.