28нче гыйнварда, 8а, 9а сыйныфы укучылары Каюм Насыйри музеена филология фәннәре докторы, фән эшлеклесе Гыйләҗиев Зөфәр Зәкәриевич белән очрашуга бардылар. Галим XX гасыр башында татар китаплары нәшер ителүе турында чыгыш ясады.

        Зөфәр Зәкәриевич сөйләвенчә, татар китаплары нәшер ителү тиешлеге  турында Перт I 1722 елның 15 июлендә Әстерхан шәһәрендә манифест чыгара. 18нче гасыр уртасыннан ук татарлар нәшрият ачу турында рөхсәт сорап язалар, ләкин хөкүмәт аларның бу теләген берничә тапкыр кире кага. 1783нче елда. "Ирекле типографияләр турында указ" нигезендә, Рәсәйдә яшәүче рус һәм чит ил кешеләре нәшрияты ачу хокукына ия булганнар. Мөселманнар берничә тапкыр мөрәҗәгать иткәч, патшабикә Екатерина Икенче 1787 елда Санкт Петербургта "Шнора" нәшриятында берничә тапкыр Коръән чыгаруны рөхсәт итә. Китапның шрифты Усман Исмәгыйль тарафыннан эшләнә. 1797 елда "Татар, фарсы һәм гарәп телендә уку һәм халыкка мәгърифәт эстәү максатыннан башка китаплар бастыру өчен ирекле татар нәшрияты" ачарга беренче рөхсәт Габделгазиз Бурнашевка бирелә. Бу нәшриятта беренче китаплар 1801нче елда чыгарыла.