Гимназиянең 1-11 нче сыйныф укучылары арасында "Зарница 2.0" хәрби уены булып узды.  Һәр сыйныфтан 10 укучы отрядларга берләште. Командир, военкор, политрук, сапер, һөҗүмче, опер, медиклар өчен төрле уеннар оештырылды. Әлеге уеннарның әһәмияте зур. Беренчедән, катнашучылар команда белән чыгыш ясады. Икенчедән, балалар төрле мөһим күнекмәләр үзләштерде, төрле шартларда аек акыл белән эш итәргә өйрәнделәр. Өченчедән, алга таба укучылар үз-үзләрен, якыннарын, гаиләләрен һәм Ватанны сакларга, якларга өйрәнәчәк, иптәшләре, мәктәпләре, Ватаны алдында бурычлы булуын аңлаячак.