21 нче февраль көнне гимназиябездә , 23 февраль — Ватанны саклаучылар көненә багышланган "Әти-гаилә терәге" дип аталган тантана булып узды. Әлеге кичәгә укучыларның әтиләре чакырылды.  Бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган көн .
Җыелган ир-атларны гимназия директоры Хөснетдинова Люция Хадиевна котлады.Ул ир-атларга барысына да нык сәламәтлек, иминлек, батырлык һәм ныклык теләде.
Чарада Гаилә елын ачу тантанасы да билгеләп үтелде. Уку, спорт, сәнгать өлкәсендә актив укучыларның әти-әниләре гимназиянең җәмәгать эшләрендә иң актив булган гаиләләр сәхнә түренә күтәрелде, аларга рәхмәт хатлары тапшырылды. Бәйрәм гаиләләрнең матур, иҗади чыгышлары белән баетылды. 
Концерт вакытында актлар залында хөкем сөргән җылы һәм дуслык атмосферасын да билгеләп үтәргә кирәк.
Әлеге бәйрәмгә килгән әтиләргә зур рәхмәтебезне белдерәбез! Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез.