Ел саен 8 февраль көнне "Яшь герой - антифашистларны" искә алу көне билгеләп үтелә. Дөньяның төрле илләрендә фашизмга каршы көрәштә катнашучы яшь геройлар нәкъ менә шул көнне һәлак булган. 
 Бүген гимназиябездә «Яшь герой - антифашистлар көне» дигән батырлык сәгате үткәрелде. “Алдынгылар хәрәкәте “ активистлары укучыларга Бөек Ватан сугышы елларында башкарылган батырлыклары өчен Ватанның иң югары бүләгенә - Советлар Союзы Герое исеменә лаек булган малайлар һәм кызлар турында сөйләделәр. Укучылар үзләренең яшьтәшләре: Леня Голиков, Зина Портнова, Марат Казей, Валя Котик һәм башка герой-пионерлар турында зур кызыксыну белән тыңладылар. Мондый чаралар яшь буында патриотик хисләр тәрбияләүгә ярдәм итә, ил тарихы һәм узган сугыш вакыйгалары белән таныштыра, гаделлеккә, җаваплылыкка өйрәтә.