Бүген гимназиядә Укытучылар  һәм өлкәннәр көненә багышланган бәйрәм концерты узды. Укучыларыбыз тарафыннан әзерләнгән һәр номер укытучыларга һәм бәйрәмгә чакырылган хезмәт ветераннарына карата хөрмәт һәм мәхәббәт хисе белән тулы иде.

        Кадерле укытучыларыбыз! Сезнең барыгызны да Халыкара укытучылар көне белән ихлас күңелдән котлыйбыз. Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!