25 октябрь көнне Халыкара мәктәп китапханәләре көне билгеләп үтелә. Мәктәп китапханәләре белем бирү процессында мөһим роль уйныйлар. Хәзерге дөньяда гаять зур мәгълүмат массивына керү мөмкинлеген тәэмин итә торган электрон элемтә чаралары таралуга карамастан, классик кәгазь китап үзенең әһәмиятен югалтмаган. Китап - күп гасырлар дәвамында кешеләргә дөрес хезмәт итүче белем чыганагы. 
 
Әлеге бәйрәм уңаеннан бүген безнең гимназиядә мәктәп китапханәчесе Әхмәтҗанова Гөлназ Әдһәм кызы һәм директорның тәрбия буенча киңәшчесе Нәбиуллина Алсу Марат кызы белән берлектә, "Китапка икенче тормыш бүләк ит" акциясендә оештырдылар.Китаплар да авырый, алар саргая, кибә, сибелә башлыйлар. 4 класс укучылары китапларны «дәваладылар». Кызлар-егетләр китапның битләрен ябыштырып, йомшак битләрен сыйпадылар. Укучылар барысы бергә китап белән аралашу кагыйдәләрен кабатладылар: рәсемнәр ясамаска, китаплардан бернәрсә дә язмаска, битләрне йолкып алмаска, китапларны бөкләмәскә, ашаганда китапларны укымаска, кенәгәләргә карандаш һәм кул салмаска, закладкадан файдаланырга. Әлеге акция укучыларга китаплар белән ничек сак эш итәргә кирәклеген аңларга ярдәм итте.