Әгәр дә миннән: «Татар поэзиясендә шигъри дөнья төзегән шагыйрьләр кемнәр?» - дип сорасалар, мин берничә шагыйрьнең исемен атар идем, ләкин иң беренче булып – Такташны.

Р. Харис

Бу уку елы безнең өчен бик сөенечле вакыйга белән башланып китте: гимназиябезгә күренкле шагыйрь Һади Такташ исеме бирелде.  Халкыбызның йөрәк түрендә үзенең кабатланмас иҗаты белән мәңгегә уелып калган Такташның – давыллы еллар җырчысының исемен йөртү безнең өчен зур горурлык. Гимназия коллективы Һади Такташ исемен мәңгеләштерү максатыннан шактый эшләр башкарды, “Яңарыш” Мега проекты моның ачык мисалы булып тора. Алга таба да милли мәгарифне үстерү, укучыларыбызда туган телләренә мәхәббәт уяту юнәлешендә тырышып эшләрбез дип ышандырабыз.