Галим, мөгаллим, язучының  135 еллык туган  көненә туры китереп 2022 елның 11 мартында Казан федераль университетының Филология һәм мәдәниятара багланышлар институтында «Г.Ибраһимов: язучы, тәнкыйтьче, методист, җәмәгать эшлеклесе» дип исемләнгән яшь галимнәрнең Халыкара фәнни-гамәли конференциясе булып узды. Конференция эшендә аспирантлар, югары уку йортлары студентлары, көллиятләр һәм гомуми һәм урта белем бирү оешмалары укучылары катнашты. Конференциядә Төркия, Әзербайҗан, Үзбәкстан (Каракалпакстан), Башкортстан, Татарстанның яшь галимнәре белән беррәттән, республикабызның 8-11 класс укучылары да чыгыш ясады. Әлеге чарада гимназиябезнең 9а сыйныфы укучысы Шагалеева Анелия дә катнашты (укытучысы – Г.В.Нурмиева). Анелиягә катнашу турында Сертификат, Гөлгенә Вазыховнага Рәхмәт хаты тапшырылды.