Гимназиябезнең быелгы чыгарылыш сыйныфы укучысы, бүгенге көндә КФУ студенткасы Ләйсән Фатихова, үзенең укытучысы Гөлгенә Вазыховна Нурмиева белән "Татар – информ" мәгълүмат агентлыгында булып, журналист сорауларына җавап бирделәр. Ләйсәннең Казан шәһәре буенча берүзе татар теленнән имтихан бирүе аларда зур кызыксыну уяткан. Интервью барышында Ләйсән үзенең киләчәк язмышын туган теле белән бәйләргә теләвен әйтте. "Туган телемдә белем алу миңа һич тә комачауламады, язмышымны филогия белән бәйләргә теләвемне гаиләбездә дә хуплап каршы алдылар",– диде ул. Бик күп бәйгеләрдә, олимпиадаларда урын алып, гимназиябезгә үзеннән зур өлеш керткән укучыбызга киләчәктә дә уңышлар теләп калабыз.