Белем көнендә, гадәттәгечә, Россия ГТХМ хезмәткәрләре мәктәпләрдә дәресләр үткәрә, аларның максаты-укучыларга озын җәйге каникуллардан соң янгын куркынычсызлыгы кагыйдәләрен үтәү турында искәртү.

1 сентябрьдә Россия янгын күзәтчелеге буенча дәүләт инспекторлары 6 А сыйныф укучылары белән дәрес үткәрделәр. Балалар белән әңгәмәне Татарстан Республикасы буенча Россия ГТХМ Баш идарәсенең күзәтчелек эшчәнлеге һәм профилактик эш идарәсенең аеруча мөһим объектларда күзәтчелек бүлеге баш белгече Руслан Сафин башлады. Теоретик белемнәр буенча фикер алышканнан соң, транспортта күзәтчелек бүлеге өлкән инспекторы Алинә Макарова төрле ситуацияләрне мисал итеп китерде, аларның дөреслегенә бәя бирде.

Балалар янгынның нәрсә икәнен, өйдә һәм урамда аның килеп чыгу сәбәпләрен яхшы белә. Алтынчы сыйныф укучылары янгын өйдән чыгу юлын кискәндә нишләргә, төтенләнгән бинада ничек хәрәкәт итәргә һәм янгын чыккан очракта нинди номерларга шалтыратырга кирәклеген әйттеләр.

Балалар әңгәмәдә актив катнаштылар, әңгәмә барышында күп кенә йортларда беренчел янгын сүндерү чаралары барлыгы ачыкланды, шул исәптән автоном янгын хәбәрчесе урнаштырылган.

Ахырда ГТХМ хезмәткәрләре мәктәптә эвакуацияләү планы ни өчен мөһим, алар белән ничек эш итәргә кирәклеге,ә иң куанычлысы-балалар  гимназиядә эвакуация юллары кайда икәнлеген һәм гадәттән тыш хәл очрагында үзләрен ничек тотачаклары турында сөйләделәр.

Дәрес ахырында балаларга күрсәтмә-агитация материаллары, балалар һәм аларның ата-аналары өчен янгын куркынычсызлыгы чаралары буенча белешмәләр таратылды.