10нчы мартта татар теле һәм әдәбияты укытучылар өчен "Туган телне һәм әдәбиятны укытуны камилләштерү аша нәтиҗәле белем бирү технологияләрен гамәлгә кертү процессын проектлау. Максатчан тәрбия системасы буларак сыйныф җитәкчелеге " дигән темага чираттагы республикакүләм семинар (җитәкчесе Шамсутдинова Р.Р.) узды.           Семинарда катнашучылар 11нче сыйныф укучылары Фатихова Л. (җитәкчесе Нурмиева Г.В.), Гибатуллин Т. (җитәкчесе Гильмиева Г.Г.)  тарафыннан эшләнгән проектлар, гимназиянең "Яңарыш" Мега-проекты белән танышты, Мубаракшина Л.Г., Нигмадьянова А.Р., Абдульманова Н.А. тарафыннан күрсәтелгән  ачык дәресләр карады, Нурмиева Г.В., Галеева Э.Р. тарафыннан уздырылган мастер-класста катнашты. Шулай ук укытучылар музей һәм дәрестән тыш эшчәнлек белән таныштырылды, өстәмә белем бирү педагогларының, сыйныф җитәкчеләренең эш алымнары күрсәтелде. 

            Семинарга йомгак ясаганда,  анда катнашучылар чараның нәтиҗәле һәм файдалы булуын билгеләп үттеләр.