19нчы февральдә татар теле һәм әдәбияты укытучылары методик берләшмәсенең туган тел атналыгы республикакүләм семинар (җитәкчесе Сагдиева Р.К.) белән башланды. Семинарда катнашучылар төрле проектлар белән танышты, ачык дәресләр карады, мастер-класста катнашты. Үзара хезмәттәшлек кысаларында Казан дәүләт мәдәният һәм сәнгать университетыннан чакырылган кунаклар - профессор Хамматова Э.М., виртуоз баянчы, концертмейстер Кирам Сатиев, педагог Хасаншин И., 3 курс студенты Зайдуллина З. чыгышы әлеге чарага ямь өстәде. Семинар ахырында гимназиянең дәрестән тыш эшчәнлеге белән таныштырылды, өстәмә белем бирү педагогларының һәм инглиз теле укытучылары методик берләшмәсенең  эш алымнары күрсәтелде. Семинарга йомгак ясаганда,  анда катнашучылар чараның нәтиҗәле һәм файдалы булуын билгеләп үттеләр.