Физика фәне атналыгында  телдән гәҗит чыгарылды, һәр сыйныф үз гәҗитен яклады. Тәнәфесләрдә “Космик киңлекләрне үзләштерү” фильмы күрсәтелде. 8нче һәм 9нчы  сыйныф  укучылары өчен катнаш темага викторина оештырылды. Викторина  вакытында укучылар физикадан үз белемнәрен башкаларныкы белән чагыштырып, физика өлкәсендәге интеллектуаль сәләтләрен күрсәтергә омтылдылар, кызыклы мәсьәләләр, кроссвордлар чиштеләр, физика законнарының тормыштагы ролен күрсәттеләр.  Кызыклы тәҗрибәләрне кызыксыну катыш соклану белән кабул иттеләр. Физика фәне аларга серле һәм кызыклы күренешләргә бай булып тоелды. Укучыларда фәнгә кызыксыну уятуда, белемнәрен арттыруда аның роле зур булды.