27 ноябрьдә В.И.Ленин исемендәге мәдәният сараенда "Татар кызы. Татар егете - 2018" бәйгесенең финал этабы узды. Шунысы куанычлы, Вахитов районы вәкилләре буларак, егет тә, кыз да үзебезнең уку йортыннан катнашты."Әгәр ике җиңүче дә 27 нче гимназиядән икән, димәк, сезне чын милли рухта укыталар һәм конкурска әзерләүче остазларыгыз да бик яхшы дип нәтиҗә ясарга мөмкин," - дип ассызыклап үтте ТНВ каналының "Манзара" тапшыруы алып баручысы Гөлназ Рәхмәтуллина. Чыннан да, горурланып әйтеп була, гимназиябез укучылары шәһәр турында еш катнаша.

          Быел гимназиябезнең 10 нчы сыйныф укучылары Фатыйхова Ләйсән һәм Габделманов Салават югары дәрәҗәдә чыгыш ясап, 3 нче дәрәҗәле дипломга һәм "Зирәк егет" номинациясендә җиңүгә ирештеләр. Афәрин! Киләчәктә дә зур уңышлар насыйп булсын! Барлык оештыручыларга һәм җанатарларга зур рәхмәт!