Бүген 20 нче декабрь көнне Г.Кариев исемендәге Казан татар дәүләт яшь тамашачы театрында премьера — “Куян Эдвардның гаҗәеп сәяхәте” ниһаять нәни тамашачыларга тәкъдим ителде. Бу тамашада безнең гимназиябезнең 1б, 2а, 3а, 3в,4в укучылары да катнашты (сыйныф җитәкчеләре Попова А.Н., Гильманова М.М., Юсупова З.Р., Бадртдинова Ф.Г., Валетдинова А.Р.).     

      Башта кечкенә дусларга интермедия – Кыш бабай һәм Кар кызы катнашында чыршы тирәли Яңа ел тамашасы күрсәтелде. Сабыйлар әкиятләр персонажлары белән бергә күңел ачтылар, үзләренең осталыкларын күрсәттеләр. Аннары инде театр хезмәткәрләре аларны тамашачы залына озаттылар. Нәни тамашачылар анда әкият дөньясына чумдылар, Куян Эдвард белән бергәләп гаҗәеп сәяхәт кылдылар.