Һади Такташның килене Рәмзия ханым Такташ барлык казанлылар өчен моның көтеп алынган вакыйга булуын билгеләп узды. «Бүген китап уку сирәгәйсә дә, уку йортларында, мәктәпләрдә яшьләр әле Такташны укый, шунысы сөендерә", – диде ул. Бу чыннан да шулай. Безнең гимназия коллективы да бөек татар шагыйренең исемен мәңгеләштерү өчен шактый эшләр башкара. "Яңарыш" милли проекты моның ачык мисалы. Моннан ике ел элек, без, үзебезнең гимназиягә язучыларны, галимнәрне, укытучыларны һәм студентларны җыеп зур сөйләшү уздырган идек. Анда нәкъ менә Һ. Такташка һәйкәл кую мәсьәләсе дә күтәрелде, шуңа күрә дә бу вакыйга безнең өчен аеруча сөенечле.