31 нче мартта гимназиябезнең йөзек кашы булган "Ләйсән" вокаль ансамбленең 20 еллык юбилей кичәсе үтте. Тантаналы кичәгә мәртәбәле кунаклар, педагогик коллектив, ата-аналар, чыгарылыш укучылары чакырылды. Күз алдыннан 20 ел эчендә булган тырыш хезмәт нәтиҗәсе чагылып узды. "Ләйсән" ансамбле артистлары тамашачыларны берсеннән-берсе соклангыч концерт номерлары белән сөендерде. Аларның һәрберсе ансамбль җитәкчесе Венера Дамировнаның күпьеллык фидакарь хезмәте, һөнәри осталыгы нәтиҗәсе.

            Хөрмәтле Венера Дамировна! Барыбыз да юбилей кичәсендә әйтелгән теләкләргә кушылабыз, ихлас күңелдән котлыйбыз! Гимназиядә ансамбльнең эшләве зур куаныч һәм горурлык! Киләчәктә дә зур уңышлар, "Ләйсән" ансамбленең чәчәк атуын телибез, максатларыгыз һәрвакыт тормышка ашсын!