Советлар Союзы Герое, Ленин премиясе лауреаты,  герой –шагыйрь Муса Җәлилнең тормыш юлы һәм иҗаты белән якыннан танышу максатыннан, 4в сыйныфы укучылары сыйныф җитәкчесе Нәбиуллина Әлфия Фирдәвес кызы белән шагыйрьнең музей-фатирында «Мусаларда кунакта…»булып кайттылар. Биредә алар, Муса балачакта Мостафа авылында яшәгән шартлар белән таныштылар, әбисе Гыйльми абыстай сөйләгән әкият-риваятьләрне ишеттеләр.

Экскурсия шагыйрь биографиясе буенча төпле мәгълүмат бирде. Моабит дәфтәрләренең электрон версиясе, Бөек Ватан сугышы елларында халкыбызның кылган батырлыклары турында ишетү, укучыларда горурлык  хисләре уятты , сугышта һәлак булганнар хәтеренә хөрмәт белән карарга өндәде,. Илебез азатлыгы өчен көрәштә һәлак булган сугышчылар хәтерен барлау- яшь буынга патриотик тәрбия бирүдә зур роль уйный.  Яшьләрне патриотик рухта тәрбияләүгә керткән өлешләре өчен, музей хезмәткәрләренә зур рәхмәтебезне белдерәбез!