30 ноябрь - 3 декабрь көннәрендә Казан (Идел буе) федераль университеты һәм ТР яшьләр эшләре һәм спорт министрлыгы тарафыннан студентлар, балалар һәм яшүсмерләр арасында “Национальное достояние” – “Милли хәзинә” исемле халык иҗаты бәйге-фестивале оештырылды. Әлеге бәйге белән татар яшьләре арасында әдәбиятка, сәнгатькә карата кызыксыну, хөрмәтне арттыру һәм халыкара дуслыкны тагын да ныгыту максаты куела. Быелгы бәйге-фестивальдә 33 укыту оешмаларыннан Чувашия, Мордовия, Марий-Эл, Башкортстан республикасы, Чиләбе өлкәсеннән катнашучылар бар иде. Алар вокал сәнгате, инструменталь башкару, вокаль-инструменталь ансамбле, хореография сәнгате, вокаль-хореография ансамбле, театр сәнгате, нәфис сүз, мода театры, декоратив-гамәли иҗат, дизайн юнәлешләре буенча көч сынашты.

Әлеге бәйге-фестивальдә безнең гимназиядән Гатауллина Венера Дамир кызы җитәкчелегендәге “Ләйсән” вокаль ансамбле III дәрәҗә, татар теле, әдәбияты укытучысы Нәҗипова Эльвина нәфис сүз номинациясендә II дәрәҗә лауреат исеменә лаек булдылар. Гимназиябез коллективына рәхмәт хаты тапшырылды.