Елдан-ел яшь мөгаллимнәр саны арта гына бара. Укытуга, белем бирүгә битараф булмаган яшьләрнең булуы, әлбәттә, сөендерә. Мәгариф министры бу өлкәдә зур эшләр алып бара. Соңгы елларда популярлашып киткән “Наш новый учитель” гранты гына да яшь укытучыларга мөмкинлекләр ача. Әлбәттә, әлеге грантка барлык яшьләр дә ия булып бетә алмый. Грантны җиңү өчен билгеле бер юнәлешләрне югары нәтиҗәдә үтәп чыгарга кирәк. Быел гимназиябезгә татар теле һәм әдәбияты фәне буенча эшкә урнашкан Эльвина Нәҗипова, әлеге юнәлешләрне югары дәрәҗәдә үтеп, “Наш новый учитель” грантына лаек булды. Өстәвенә, президентыбыз Рөстәм Миңнеханов катнашында үткән “Һөнәри үсеш һәм укытучы карьерасы” исемле 200 яшь мөгаллим форумында “Яшь укытучы анты”н яңгыратты. Без Эльвинага эшендә уңышлар телибез! Укытучы абруе үссен һәм мөгаллим булырга теләүчеләр саны артып торсын!