Һәр бала кече яшьтән Габдулла Тукай иҗаты белән таныша. Аның "Шүрәле"сен, "Су анасы", "Кәҗә белән сарык", "Бала белән күбәләк", "Эш беткәч уйнарга ярый" һәм башка бик күп шигырьләрен кем генә белми икән?! Бигрәк тә әсәрдәге образлар күңелгә кереп кала.

            Башлангыч сыйныф укучылары, бик тырышып һәм яратып, үзләренә ошаган образларны сурәт итеп кәгазьгә төшерделәр, әлбәттә, әти-әниләрнең дә ярдәме тими калмагандыр. Һәр эш аерым бер җылылык һәм осталык белән башкарылган. Күргәзмә янында кечкенәләр дә, олылар да Тукай истәлекләре белән танышалар, яраткан образларын кабат күңелләре аша үткәрәләр.  Габдулла Тукай һәм аның үлемсез иҗаты - безнең горурлыгыбыз!