Халкыбызның сөекле улы, бөек шагыйрь Г.Тукайның тууына 130 ел тулу уңаеннан, гимназиябездә төрле әдәби-мәдәни һәм фәнни чаралар үткәрелә. Без дә моннан калышмаска булдык. 13нче апрель көнне без, 3 нче в сыйныф укучылары, укытучыбыз Нәбиуллина Ә.Ф. җитәкчелегендә, Габдулла Тукай урамы, 74нче йортта урнашкан ,Тукай әдәби музеенда булдык.

       Музей экскурсоводының тирән эчтәлекле һәм кызыклы чыгышы безне шагыйребезнең авыр, әмма шул ук вакытта вакыйгаларга бай тормышы сукмаклары һәм иҗаты белән таныштырды. Кыска гына вакыт аралыгында Тукайның кечкенә Апуштан мәшһүр шагыйрьгә әйләнгән гомер юлы күзалдыннан кичте Музейда булып кайткан кеше Габдулла Тукайга бөтенләй башкача карый башлыйдыр дип уйлыйбыз без.  Шул максаттан чыгып,шагыйребез-нең туган көненә кадәр, гимназиябезнең барлык башлангыч сыйныф укучылары ,чиратлашып, музейга сукмакны суытмаска булдык.