"Татар әдәбияты үсешенә Габдулла Тукай кебек зур өлеш керткән башка каләм иясен табу кыен.    Г. Тукай иҗаты — татар халкының йөз аклыгы ул. Мондый шагыйре булган милләт — зур, талантлы, үткәне һәм бигрәк тә киләчәге булган милләт.  Г.Тукай татар халкын илебездә һәм дөнья күләмендә танытуда илче хезмәтен үтәде дисәк тә, хилафлык булмас. Тукай дигәндә – татар халкы күздә тотылса, татарлар дип әйтүгә — Г. Тукай дигән шигъри исем аңга килә. Чөнки, зур исәптән караганда, Г.Тукай — шагыйрь генә түгел, бәлки халкыбызның теле дә, моңы да, рухы да, язмышы да." Әдәбият галиме Фоат Галимуллин бөек шагыйребез иҗатына менә шундый зур бәя бирә. Чыннан да, Габдулла Тукай - бөек шәхес, ул халкыбыз горурлыгы, күпме вакыт үтсә дә, аның иҗаты мәңгелек булып калачак.

            Гимназиядә, шагыйрьнең 130 еллыгын зурлап каршылау максатыннан, айлык план төзелде. Әлеге план бик күп чараларны үз эченә ала: төрле бәйгеләр, чаралар, иҗади эшләр һ.б. Бу зур датаны билгеләп үтүдә беркем дә читтә калмас дип ышанып калабыз.