Гимназиябезнең 1 нче а сыйныфы (сыйныф җитәкчесе Юсупова З.Р.) кызлары арасында “Татар кызы” бәйгесе булып үтте. Бу бәйге күңел ачу өчен генә түгел, ә шушы тамаша аша, татар халкының йөзек кашы, намусы, киләчәге булган хатын - кызларыбызның милли йөзен саклап калу, гореф -гадәтләребезне, йолаларыбызны кире кайтару, телебезгә ихтирамлы мөнәсәбәт булдыру, балаларыбызны иманлы итеп тәрбияләү, гаиләләрдә халкыбызның асыл сыйфатларын күрсәтү максаты белән үткәрелде. Бәйгедә катнашучы кызларыбыз Абдрахимова Самира, Абдульманова Мәликә, Галиева Ләйлә, Фәйзуллина Камилә, Насибуллина Амилә, Тимербулатова Иделия, Ильясова Ралина, Талипова Милана үзләрен чын татар кызлары булуларын исбатладылар. Кызларыбызның һәрберсе кечкенә бер татар йолдызчыгы!