Шушы көннәрдә, Казан шәһәрендә, Шәрәф Мөдәррис исемендәге яшь тәрҗемәчеләр бәйгесенә йомгак ясалды. Конкурс ике турда уздырылды: беренчесе – татар теленнән инглиз теленә тәрҗемә ителгән әсәрләрдән өзекләрнең иң яхшыларын сайлап алу, икенчесе – КФУ базасында чыгыш ясау һәм биремнәрне үтәү. Әлеге бәйгедә гимназиябезнең 10 нчы сыйныф укучысы Нурмиева Энҗе катнашты. Ул, беренче турны уңышлы үтеп, финалга чыккан 19 укучы исемлегенә керде. Энҗе финалда да сынатмады:  яхшы чыгыш ясап, призер булды ( укытучылары –Н.А.Абдульманова һәм Л.Р.Садыкова).  Җиңүчеләрне чын күңелдән котлыйбыз, алга таба да уңышлар телибез!