Лагерь – үзе бер дөнья. Анда ял итәргә дә, вакытны файдалы һәм күңелле уздырырга да, кызыклы мәгълүматлар алырга да мөмкин. Бүген укучылар шәһәребезнең 41 нче китапханәсендә экскурсиядә булдылар. Биредә алар “Хәтер көне”нә багышланган чарада катнаштылар. Шулай ук балалар өчен викторина да оештырылган иде. Чараларда актив катнашкан укучылар махсус бүләкләргә ия булдылар. Балалар әлеге сәяхәттән бик күп яхшы тәэсирләр белән кайттылар.

Бүген 22 июнь – Хәтер һәм Кайгы көне. 1941 нче елда фашист илбасарлары илебезгә каршы сугыш башлаган, канкойгыч бәрелешләрдә миллионлаган халкыбызны югалтырга мәҗбүр иткән көн. "Энҗе бөртекләре" мәктәп яны лагерендә ял итүче балаларыбыз бүген сугыш турында шигырьләр сөйләделәр, “Сугыш еллары ңырлары” ярышында катнаштылар, яуларда һәлак булучыларны бер минут тынлык белән искә алдылар.

Ветераннарыбызга, сугышта үзен аямыйча көрәшкән бабаларыбызга, тылда хезмәт куйган әбиләребезгә Бөек Җиңү өчен зур рәхмәт әйтәбез! Яшь буын тарихыбызны, бабаларыбызның батырлыгын онытырга тиеш түгел. Алар даны мәңгелек!

Күңелле лагерь тормышы дәвам итә. Бүген укучылар кинотеатрда булып, “Артек. Большое путешествие” дигән кинофильм карадылар. “Бөек Ватан сугышы турында мин нәрсә беләм?” дигән блиц - конкурста һәм “Сугыш турында шигырьләр” әдәби ишегалдында катнаштылар. Саф һавада хәрәкәтле уеннар уйнадылар.

20 июньдә лагерьда ял итүчеләр Вахитов районының "Балалар иҗаты үзәге"нә юл тотты. Алар квест формасында үткәрелгән кызыклы, күңелле чарада катнаштылар. Төрле станцияләрдә бик теләп эшләделәр, музейда булдылар.

Көннең икенче яртысында лагерьда ял итүчеләр янына “Юл хәрәкәте иминлеге” дәүләт бюджет учреждениесе хезмәткәре кунакка килде.Алар аны бик җылы кабул иттеләр. Җанлы әңгәмә, уеннар, ярышлар, бергәләп караган мультфильмнар, призлар балаларга бик ошады. Балалар юл кагыйдәләрен бозмаска сүз бирделәр.

“Профсоюз ул безнең хәркайсыбыз һәм без бөтенебез дә бергә” темасы астында район видеороликлар конкурсында, 33 беренчел Профсоюз оешмасы катнашты. Гимназия Профсоюзын  яклап, яшь Профсоюз членнары- Алсу Фяимовна, Эльза Магсумовна катнашты.  Оешмабыз III дәрәҗә дипломга  һәм сертификатка  лаек булды.  Афәрин, кызлар!

12 июньдә илебездә Россия көне билгеләп үтелә, бу Россия Федерациясе өчен аерым горурлык көне. Лагеребездә әлеге көнгә багышланган “Минем адресым – Россия”, “Россиям, синең белән горурланам!” квест һәм интерактив уеннар үтте. Аннан соң балалар Горький исемендәге паркта күңел ачып кайттылар.

Бүгенге көн укучыларның күңелләренә хуш килде.

Бөек рус имперавторы Петр 1нче тууына 350 ел тулу уңаеннан лагерьда «Россиянең бөек исемнәре. Петр1» исемле мәгълүмат сәгате үткәрелде. Укучылар Петр 1нең тормышы, аның биографиясеннән фактлар, реформалары һәм эшләре белән таныштылар. Чара аларда ватанпәрвәрлек һәм үз Ватанына, Россия тарихына карата мәхәббәт хисе уятты.

Көннең икенче яртысында балалар шәхәребезнең 41 нче китапханәсендә үткәрелгән «Пушкин Казанда» дип аталган чарада актив катнаштылар.

Лагерь тормышы бик күңелле. Көн саен укучылар вакытларын файдалы һәм мавыктыргыч итеп үткәрәләр. Бүген, 8 июнь көнне, лагерьга йөрүче укучылар «Бөтендөнья океаннар көне» нә багышланган интерактив сәяхәттә булдылар.Бу сәяхәт күңелле дә, файдалы да булды.

Укучыларның күңелле яллары дәвам итә. Лагерьга йөрүче укучылар бүген Казан Молл кинотеатрында «Бука. Моё любимое чудище» мультфильмын карап кайттылар. Моннан тыш, гимназиядә дә укучылар өчен «Минем халкым – минем горурлыгым!» интерактив уен оештырылды. Укучылар уенда бик теләп катнаштылар.

Ел саен илебездә 6нчы июньдә билгеләнеп үтә торган Пушкин көне (Рус теле көне) лагерьга йөрүче балалар өчен мавыктыргыч бәйрәмгә әверелде. Мәктәп китапханәсендә балалар өчен А.С. Пушкинның иҗатына багышланган “Мимо остова Буяна царство славной пушкинианы” дигән чара үткәрелде.  А.С. Пушкин әсәрләренә рәсемнәр ясап күргәзмә оештырылды, әкиятләре буенча викторина уздырылды. Көннең икенче яртысында Халыклар дуслыгы йортында удмурт халык әкиятләре буенча төзелгән спектаклькарадылар. Нәни тамашачылар күңеленә театрга сәяхәт хуш килде.