2024-нче елның 15-нче февралендә атаклы татар совет шагыйре, Гражданнар сугышында катнашучы, хәрби журналист, Советлар  Союзы Герое Муа Җәлилнең тууына 118 ел тула. Муса Җәлилнең тормыш юлы һәм иҗаты татар әдәбиятында һәм татар халкы күңелендә киң кырлы тема булып тора. Аның әсәрләре дөньяның бик күп телләренә тәрҗемә ителгән. Рәсәй һәм Татарстанда гына түгел, ә чит илләрдә дә шигырьләрен һәм тиңсез батырлыгын ачучы күп мәкаләләр язылган, китаплар чыгарылган.

Гомумкешелек тарихындагы кебек үк, һәрбер халык язмышында, тарих чылбырын югалтмау максатында, даими рәвештә әйләнеп кайта торган мәңгелек темалар бар. Җәлилнең тоткынлыктагы авыр һәм кискен көрәше Абвер контрразведчиклары, аннан соң гестапо каршында совет патриот-шагыйренең батырлыгының иң югары ноктасы, биеклеге булып тора.

Лицеебызның актлар залында әлеге көнгә багышланган әдәби – музыкаль чара үткәрелде. Укучыар Муса Җәлилнең тормыш юлын барладылар,  аның тирән патриотизм белән язылган, халкына карата чиксез ярату хисләре белән сугарылган шигырьләрен сөйләделәр. “Кызыл ромашка”, “Бакчачы”, “Җырларым”   һәм башка күп кеә шигырьләрен рәхәтләнеп яттан сөйләделәр. 26-нчы музыка мәктәбе укучылары шагыйрьнең шигырьләренә язылган җырлар башкардылар.  Әлеге күркәм чараны оештырган туган тел һәм музыка мәктәбе укытучыларына зур рәхмәтебезне белдерәбез.