Баланың мәктәпкә әзерлеге аның сөйләме үсешенә  турыдан туры бәйле, чөнки мәктәптә белемне ул  нәкъ менә телдән һәм язмача сөйләм ярдәмендә үзләштерәчәк. Татар телендә сөйләм телен ничек үстерергә? Тәрбиячеләр төрле уеннар, күнегүләр кулланалар. Яңа УМК буенча килгән  дәфтәрләрдә эшләү шундый күнегүләрнең берсе. Балалар бер-берсеннән рәсемнәрне татарча сорыйлар һәм дәфтәргә ябыштыралар. Ел башында сорауларны тәрбияче ярдәмендә куялар иде, ә хәзер тиз генә үзләре сорап эш итәләр. Менә шулай  уйнап без мәктәпкә әзерләнәбез.