Әтиемнең таянычы,
Нәселемнең дәвамы.
Әниемнең күз карасы
Мин бит – татар баласы!
Бүген “Каенкай” балалар бакчасында “Мин бит татар баласы” дигән бәйге үтте.Балалар бакчасы өчен бу бик зур тамаша.Бәйгедә районның 4 балалар бакчасыннан балалар катнашты. Бәйгедә үзең турында сөйләргә , иҗади конкурста үзеңне күрсәтегә һәм татар халкының гөреф гадәтләре, милли ризыклары, киемнәре турында сөйләргә кирәк иде.Балалар тырышып сөйләделәр, биеделәр, җырладылар. Ахырдан тәмләп кенә бәлешләр , өчпочмаклар, кыстыбыйлар белән чәй эчтеләр. Шатлыгыбыз бик зур- Дипломантлар булган балалар арасында безнең “Салават Күпере” балалар бакчасына өйри торган балалар да бар. Малайлар арасыннан беренче урынны Гарифуллин Искәндәр яулап алды, икенче урынны – Галимуллин Азамат. Кызлар арасыннан беренче урын – Хайруллова Айсылуда. “Иң матур сәхнә образы” дигән номинациядә Зиганшин Камиль җиңеп чыкты. Балаларны һәм әти-әниләрен чын күңелдән котлыйбыз.