26 апрель – бөек шагыйребез Г.Тукай туган көн. Шулай ук бу көн Туган тел көне буларак та билгеләп үтелә. “Үзебез” хәрәкәте оештырган “Мин татарча сөйләшәм” акциясеннән Шеланга мәктәбе укучылары да  читтә калмады.  Үзләре бу акциядә катнашмасалар да, алар һәрбер мәгълүматтан хәбәрдар булып тордылар. “Мин татарча сөйләшәм” эмблемасын ясап, дәрескә аны тагып йөрделәр.  Укучыларның һәр көн татарча исәнләшүе, татарча хәлләрне белешүләре, җавап бирүләре, сүзлекләрдә актарынып, узыша-узыша җөмлә төзүләре, гомумән, татарча сөйләшергә омтылулары күңелгә рәхәтлек, куаныч өстәде. Алар үзләре дә шушы акциягә аз гына булса да өлеш кертә алуларына бик сөенделәр. Аларга “Афәрин!” дип әйтәсе килә.